A cantante Rosalía reaccionou cun rotundo "Fuck Vox" ao resultado das eleccións xerais deste domingo e ao aumento de votos rexistrado pola formación de Santiago Abascal.
En só dúas horas, a curto e directa mensaxe da cantante catalá (literalmente Que se foda Vox) foi retuitada 39.500 veces e máis de 5.700 persoas fixeron comentarios. Ademais recibiu 112.500 gústame.
Fuck vox
— R O S A L Í A (@rosaliavt) November 11, 2019
Nas eleccións celebradas este domingo, Vox logrou 52 deputados, o que o converteu na terceira forza máis votada tras o PSOE, que logrou 120 e o PP, con 88.
Rosalía publicou a súa mensaxe desde Estados Unidos, onde este luns deu un concerto xunto a Pharrell Williams e Marilyn Manson en Houston.
E o vindeiro xoves. día 14, participará nos Latin Grammy, nas Vegas, gala á que chega con cinco nomeamentos.