A Policía Local bloqueou de novo este martes o mercado de Frigsa, ao impedir que os feirantes traballen cos furgóns.
Os feirantes e os clientes permanecen no recinto do mercado. Os comerciantes din que 300 persoas dependen do mercadillo de Frigsa e critican que a Policía Local actúe á marxe dos compromisos do goberno, que este luns se reuniu co colectivo.
Tras o encontro, os vendedores explicaron que este martes acudirían con normalidade ao mercado e que volverían reunirse co Concello este mércores.
Os vendedores mostráronse indignados co Concello polo control que realizou o pasado venres a Policía Local no recinto e polo feito de que non lles deixasen situar as súas furgonetas detrás dos expositores de venda, tal e como, segundo eles mesmos afirman, fixeron sempre.
Este martes a Policía xustificou o control por problemas de seguridade.
A Policía Local bloquea de novo o mercado de Frigsa
Os axentes aducen problemas de seguridade e que se dana o xardín. Os feirantes reuníronse este luns co Concello e ameazaron con realizar unha protesta ante a casa consistorial se continuaban os controis
