A presentadora de televisión Silvia Jato non deixou pasar unhas datas tan sinaladas para visitar a súa cidade natal e gozar da compañía dos seus familiares e amigos. Igual que fixera en San Froilán, visitou Lugo en compañía da súa parella sentimental, o expresidente da Comunidade Valenciana Alberto Fabra e aínda senador, ata que se constitúan as novas Cortes.
A exmiss lucense e o político do Partido Popular iniciaron a súa relación a principios deste ano, e co paso dos meses parece que se foi consolidando. Este martes, ambos gozaban do día alleos, en aparencia, ás informacións recentemente coñecidas de que o goberno de Fabra deixara aos valencianos outro buraco de máis de 2.000 millóns de euros en facturas sen pagar.
A parella deixouse ver paseando polo centro da cidade e comprando en diversos establecementos, entre eles unha das confeiterías con máis tradición de Lugo, a Madarro.
Silvia Jato e Alberto Fabra gozan do Nadal en Lugo
A presentadora de televisión aproveita estas datas para facer compras e pasear pola súa cidade natal coa súa parella
