O candidato ultradereitista Jair Bolsonaro, líder nas sondaxes de intención de voto para as eleccións presidenciais do 7 de outubro en Brasil, foi apuñalado este xoves no abdome durante un mitin electoral na cidade de Juiz de Fora e sufriu unha ferida ao parecer sen gravidade.
"Jair Bolsonaro sufriu un atentado, unha estocada con coitelo na rexión do abdome. Pero grazas a deus foi só superficial e está ben", dixo o seu fillo, Flavio Bolsonaro, nunha mensaxe en Twitter.
O deputado ultradereitista foi atacado por un descoñecido cando era cargado ao carricho no medio dunha multitude, segundo as imaxes divulgadas nas redes sociais.