Ao redor de 600 manifestantes, entre eles a actriz Susan Sarandon, foron detidos este xoves durante a ocupación dun edificio de oficinas do Senado de Estados Unidos en Washington, onde condenaron a postura de tolerancia "cero" do presidente estadounidense, Donald Trump, respecto da inmigración ilegal.
Os manifestantes, na súa maioría mulleres vestidas de branco, sentaron no chan de mármore do edificio Hart do Senado e envolvéronse en mantas prateadas, similares ás que se entregan aos nenos inmigrantes separados dos seus pais por funcionarios estadounidenses.
DETENCIÓNS. Susan Sarandon, pola súa banda, foi arrestada nos exteriores do Departamento de Xustiza. "Detida. Permanezamos fortes. Sigamos loitando", escribiu a actriz en Twitter xunto ao hashtag #WomenDisobey (As mulleres desobedecemos).
Arrested. Stay strong. Keep fighting. #WomenDisobey
— Susan Sarandon (@SusanSarandon) 28 de xuño de 2018
O canto das manifestantes "Dío forte, dío claro, os inmigrantes son benvidos aquí escoitábase en todo o edificio e atraeu a atención de decenas de empregados do Senado nos pisos superiores do recinto, desde onde observaron a manifestación.
A Policía do Capitolio advertira aos manifestantes de que se non abandonaban o edificio serían detidos. Pouco despois, os manifestantes foron aliñados contra unha parede en pequenos grupos e a Policía confiscou as súas mantas e carteis.
Os axentes tardaron ao redor de 90 minutos en deterlles e finalizar a manifestación. A congresista demócrata Pramila Jayapal atopábase entre os manifestantes e tamén foi detida. "Acabo de ser arrestada xunto a 500+ mulleres e @
I was just arrested with 500+ women and @WomensMarch to say @RealDonaldTrump’s cruel zero-tolerance policy will not continue. Not in our country. Not in our name.
— Rep. Pramila Jayapal (@RepJayapal) 28 de xuño de 2018
June 30 we’re putting ourselves in the street again.
Join us. https://t.co/DdRHeFtTTr pic.twitter.com/P9uK0Z1Zay
A Policía do Capitolio asegurou nun comunicado que ao redor de 575 persoas foron acusadas de realizar unha manifestación ilegal e que serían detidas e posteriormente liberadas. Tamén afirmou que as persoas que foron acusadas e multadas poderían pagar 24 horas logo do seu arresto, pero non detallaron a quen impuxeron unha multa, nin por que cantidade.
PROTESTA. A Marcha das Mulleres, un movemento que empezou coa investidura de Trump o 21 de xaneiro de 2017 e que logo se estendeu a nivel internacional, chamara ás mulleres a acudir á protesta deste xoves aínda co risco de ser arrestadas.
A manifestación forma parte dunha serie de accións contra Trump, cuxo Goberno comezou en maio a procesar xudicialmente a todos os adultos que crucen ilegalmente a fronteira de México con Estados Unidos.
Baixo a política de Trump de tolerancia "cero", máis de 2.000 nenos que chegaron de forma ilegal a Estados Unidos acompañados de familiares adultos foron separados e situados en postos de detención ou con familias de acollida.
