A Policía francesa detivo este venres a un home que feriu a dúas persoas a tiros nun tren Thalys que circulaba entre Amsterdam e París, antes de ser reducido por outros pasaxeiros. Un dos feridos está moi grave, ata o punto de que a súa vida está en risco, explicou o portavoz do Ministerio do Interior, Pierre-Henry Brandet.
A Fiscalía de París pasou á Subdirección Antiterrorista da Policía (SDAT) a investigación do tiroteo por diversos indicios que poderían determinar a cualificación dos feitos. A Fiscalía xustificou o traspaso das pescudas da Policía Xudicial á SDAT no feito de que o autor do tiroteo, que se atopa detido na comisarí
