O xuízo contra o capo do narcotráfico mexicano Joaquín 'El Chapo' Guzmán comezará o 16 de abril do ano próximo, como data tentativa, segundo anunciouse nunha vista xudicial do caso levada a cabo este venres.
'El Chapo' está detido en Estados Unidos tras ser extraditado desde México o 19 de xaneiro pasado, horas antes de que terminase o seu mandato o presidente Barack Obama. Está procesado por dezasete delitos criminais e polo seu papel como líder do Cártel de Sinaloa.
Na vista xudicial deste venres, o procesado dixo estar conforme cos avogados de oficio que o están defendendo ante os tribunais de Nova York e expresou o seu desexo de seguir con eles.
O tribunal que leva o caso, a cargo do xuíz Brian Cogan, fixou ademais o 15 de agosto próximo como data da próxima audiencia sobre o status do proceso, como parte das dilixencias previas antes de que comece o xuízo.
Os defensores legais de 'El Chapo' insistiron na necesidade de que se revisen as condicións de reclusión que afectan o mexicano no penal de máxima seguridade de Nova York onde está preso.
Entre outros temas expresaron a necesidade de que se permita un contacto físico entre os letrados e o procesado para poder manexar adecuadamente todos os documentos ligados co caso. Ata agora só se poden comunicar con el a través dun cristal.
O xuízo contra 'El Chapo' comezará o 16 de abril
Os avogados defensores do narcotraficante piden que se lles permita ter contacto físico co seu cliente
