Estados Unidos detivo este luns en Virginia a Emma Coronel, a esposa de Joaquín o Chapo Guzmán, acusada de implicación en narcotráfico internacional, informou o Departamento de Xustiza.
Coronel, de 31 anos e con dobre nacionalidade mexicana e estadounidense, foi detida no aeroporto internacional de Dulles (Virginia), preto de Washington, e está previsto que compareza este martes por videoconferencia ante un tribunal federal da capital estadounidense.
