O etiquetaxe dos alimentos chegou aos tribunais británicos por mor da morte dunha adolescente alérxica ao sésamo tras inxerir un bocadillo vexetal comprado no aeroporto londiniense de Heathrow.
O suceso tivo lugar no verán de 2016, cando Natasha Ednan-Laperouse, de 15 anos, adquiriu o citado produto antes de embarcar nun avión con destino a Niza. O bocadillo, da cadea Pret a Manger, non especificaba a presenza de alérxenos entre os seus ingredientes, a pesar do cal provocoulle á menor un colapso que acabou coa súa vida.
A propia empresa de comida rápida, segundo o medio The Guardian, segue o exemplo doutras moitas e non aclara a información de cada produto no seu envoltorio por unha cuestión de custos. Pola contra adoitan facelo mediante carteis situados nos puntos de venda.
Agora, esta polémica polo incorrecto uso da etiquetaxe nos alimentos chega aos xulgados ingleses, así como a posible neglixencia na asistencia médica que Natasha Ednan-Laperouse recibiu da compañía aérea, British Airways
