O presidente de EE.UU., Barack Obama, afirmou este xoves que é "posible" que o tiroteo que deixou polo menos 14 mortos e 17 feridos este mércores en San Bernardino (California) estivese relacionado co terrorismo, e asegurou que a FBI chegará "ata o fondo" do sucedido.
"É posible que estivese relacionado co terrorismo, pero aínda non o sabemos. É posible que estivese relacionado co lugar de traballo" dun dos autores do tiroteo, dixo Obama nunha declaración á prensa desde o Despacho Oval.
