martes. 01.12.2020 |
El tiempo
martes. 01.12.2020
El tiempo

O papa Francisco móstrase a favor dunha lei de unións civís para homosexuais

O papa Francisco. EFE
O papa Francisco. EFE
"Teñen dereito a estar nunha familia", afirmou o pontífice

O papa Francisco mostrouse por primeira vez a favor de que poida haber unha lei de unións civís para homosexuais, no documental Francesco do director Evgeny Afineevsky que se estreou este mércores no Festival de Cine de Roma.

"Os homosexuais teñen dereito a estar nunha familia. O que debe haber é unha lei de unión civil, dese xeito están cubertos legalmente", afirma o pontífice nunha das frases ao longo do documental.

Na cita, de dúas horas de duración, mestúranse entrevistas a personalidades, amigos do papa e outros, con viaxes do papa, partes dos discursos que fixo o pontífice en diferentes ocasións, frases en off de Francisco e algunhas a cámara.

"Reuninme con el unhas cinco veces, sempre en función da súa axenda, tivemos tamén dúas entrevistas a cámara", conta o director, polo que non queda claro en que momento avoga Francisco por esas unións civís para os homosexuais, como alternativa a un matrimonio que a Igrexa rexeita.

"Só dous meses logo do 'cume dos abusos' de febreiro de 2019 víronse os primeiros froitos, a nova lei vaticana que obriga a denuncialos, e pouco despois aboliuse o segredo pontificio"

Un dos entrevistados é a vítima de abusos sexuais e activista chileno Juan Carlos Cruz, que fala co papa acerca destes abusos e acerca da súa percepción sobre os homosexuais.

O director do documental destacou, nunha entrevista con Efe, a evolución de Francisco en relación á secuela dos abusos e a súa capacidade para "aprender dos seus erros".

Un deses erros, que logo o papa recoñeceu, é cando en 2018 non creu ás vítimas de abusos sexuais por parte de sacerdotes en Chile e pediulles probas, enfadado, pero pouco despois pediu perdón, recibiu ás vítimas en Roma e fixo dimitir aos bispos chilenos.

"Só dous meses logo do 'cume dos abusos' de febreiro de 2019 víronse os primeiros froitos, a nova lei vaticana que obriga a denuncialos, e pouco despois aboliuse o segredo pontificio", subliña Afineevsky.

O papa Francisco móstrase a favor dunha lei de unións civís para...
comentarios