Un home alemán de 37 anos suicidouse tirándose do alto dunha ponte sobre a vía do tren, no tramo ferroviario entre Fulda e Kassel (oeste de Alemaña), e arrastrou con el aos seus dous fillos, aos que anteriormente atacara cun coitelo.
Os feitos ocorreron o domingo, informou este luns a Fiscalía do distrito, tras realizarse a autopsia aos tres corpos, que caeron desde unha altura de 95 metros. Segundo as investigacións en curso, o pai de familia atacou primeiro cun coitelo ao seu fillo, de nove anos, e á súa filla, de dez, tras o cal lanzounos ao baleiro.
Os corpos dos menores presentaban feridas de arma branca no tórax, indicou un portavoz da Fiscalía, que declinou revelar máis detalles por respecto ás vítimas.
O home era orixinario do leste de Alemaña e vivía separado da súa esposa, con quen entrara en conflito pola tutela dos fillos.
Os tres corpos foron achados o domingo baixo a ponte dese tramo ferroviario, o que obrigou a cortar durante horas o tráfico nunha das arterias dos trens de alta velocidade en Alemaña.
Un alemán acoitela aos seus dous fillos e lánzase con eles desde unha ponte
Os tres caeron desde unha altura de 95 metros sobre a vía do tren
