A española Carolina Marín, nova campioa olímpica de bádminton, asegurou este venres tras o seu triunfo na final ante a india PV Sindhu que está "nunha nube" por facer realidade o soño co que, con 14 anos, chegou ao Centro de Alto Rendemento de Madrid.
"Estou nunha nube, o soño fíxose realidade. O que quero reflectir aquí é todo o traballo que hai detrás. O traballo de cada unha das persoas que compoñen o equipo", dixo en zona mixta a onubense, dobre campioa de Europa (2014 e 2016) e do mundo (2014 e 2015), ademais de campioa olímpica.
"Quero dar as grazas a toda España, a toda a xente que me estivo vendo pola televisión. Cando unha sae á pista valórao e sénteo. Grazas aos meus pais e ao meu mozo, que estiveron aquí véndome. Desde a bancada notei o seu apoio. Grazas tamén a toda Huelva e á miña familia", agregou.
Carolina Marín: "Estou nunha nube, o soño fíxose realidade"
A nova campioa olímpica de bádminton quixo agradecer o apoio do seu equipo e de toda a súa familia
