Ceos despexados e mínimas en lixeiro ascenso este venres en Galicia

O non se esperan cambios significativos, con Galicia na influencia das altas presións e vento intenso do nordeste.

Os ceos estarán pouco nubrados ou despexados en xeral, con nubes baixas no litoral norte e formación de nubes de tormenta na provincia de Ourense que poderán deixar algún chuvasco pola tarde.

As temperaturas mínimas experimentarán un lixeiro ascenso, mentres que as máximas continuarán sen cambios.

Este xoves chamou a atención en Galicia a diferenza de temperatura entre algúns puntos da comunidade, con case 20º entre as máximas de Arnoia (35º) e doutros lugares como A Pontenova ou Camariñas (17º). 

Case 20ºC de diferenza entre os abafantes 35ºC en #Arnoia ou os 34ºC en #VilamartíndeValdeorras, que deixaron chuvascos tormentosos, e os 17ºC de #Camariñas ou #APontenova, con nubes de estancamento.

Mañá poucos cambios, con máis nordés, especialmente intenso no litoral coruñés. pic.twitter.com/QvSPbfLnYq

— MeteoGalicia (@MeteoGalicia) June 10, 2021

Os ventos soprarán do nordeste, no interior frouxos pola mañá, aumentando a moderados pola tarde; na costa os ventos serán moderados, con intervalos fortes no litoral da provincia da Coruña.