Chacón viaxará hoxe a Afganistán tras o ataque ao convoi

A ministra española de Defensa, Carme Chacón, informará hoxe en rolda de prensa dos detalles do ataque no que morreron dous militares españois en Afganistán e, posteriormente, desprazarase ao país asiático.

Nese ataque, perpetrado cun artefacto explosivo ao paso dun vehículo blindado, resultaron feridos outros tres militares.

Fontes do Ministerio de Defensa de España informaron a Efe de que o seu departamento está a solicitar os detalles do ocorrido e o seu titular comparecerá ás 19:00 horas (17:00 GMT) ante os xornalistas para informar deses pormenores.

Posteriormente, Carme Chacón desprazarase a Afganistán para visitar aos feridos e ultimar os detalles do traslado a España dos restos mortais dos falecidos.

Os dous militares mortos son o sarxento Manuel Argudin Perrino e o soldado Nitireth Pineda Marín.

Comentarios