Os veciños dun edificio da rúa Alejandro Cerecedo de Vilagarcía de Arousa tiveron que ser desaloxados este xoves por un escape de gas dunhas bombonas. O desaloxo foi por precaución e afortunadamente non houbo ningunha persoa ferida.
Segundo os técnicos, a fuga procedía dunhas bombonas de butano almacenadas no patio interior do inmoble.
Foi o persoal da empresa subministradora do gas quen deu aviso ao 112 ao ser alertados por un forte cheiro a gas no patio do inmoble.
Ata o lugar desprazouse persoal da Policía local, Protección Civil e Bombeiros de Vilagarcía que realizaron as correspondentes medicións e retiraron as bombonas.
Os veciños puideron volver ás súas vivendas cando os resultados das medicións foron negativos.
Desaloxan un edificio de Vilagarcía de Arousa tras detectar cheiro a gas
A fuga procedía dunhas bombonas de butano almacenadas no patio interior do inmoble
