O tren depasajeros que cubría o traxecto Vigo-O Porto descarrilou na mañá deste venres na localidade pontevedresa do Porriño provocando a morte de catro persoas. Trátase do maquinista, de nacionalidade portuguesa; o interventor, veciño de Vigo e natural de Lugo; un mozo traballador en prácticas de 23 anos e xogador de balonmán do Bueu Atlético, e un turista estadounidense.
O maquinista é José Arnaldo R. e natural de Ermesinde e o interventor Miguel Ángel Veiga González, mentres que o raparigo de 23 anos en prácticas é Joaquín Rodriguez Grandil, Cuqui (na imaxe, en branco e negro), e o californiano un home cuxas iniciais non foron facilitadas, pero si que é de mediana idade.
Este pasaxeiro morreu pouco logo de ser evacuado de urxencia ao hospital Álvaro Cunqueiro de Vigo, mentres que os outros tres pereceron en lugar do sinistro.
Respecto dos heridos, segundo as mesmas fontes, trátase de 27 españois, oito estadounidenses, tres portugueses, tres alemáns, dous brasileiros, dous uruguaios, dous arxentinos, un filipino e un cidadán chileno. Catorce dos feridos seguen ingresados en hospitais de Vigo e 34 recibiron a alta, informou a Consellería de Sanidade.
Afortunadamente púidose descartar a posibilidade de que entre os restos dunha torreta se atopase unha hipotética quinta vítima mortal, extremo que se temía durante a mañá do sinistro.
Na zona do sinistro, o presidente do Goberno en funcións evitou aventurar calquera tipo de hipótese recordando que hai unha investigación en marcha. Pola súa banda, Ferrocarrís Portugueses aseguraba que "non hai indicios de fallo humano ou material".
TREN. O sinistro tivo lugar ás 9,30 horas, moi preto da estación porriñesa, á altura dunha ponte situada na zona das Angustias. Segundo varias testemuñas o convoi, o tren 420 Vigo Guixar - Valença do Minho que viaxaba con 65 persoas -63 pasaxeiros, o condutor e o interventor-, descarrilou á súa chegada á estación e chocou contra un poste da luz situado na citada ponte.
As testemuñas sinalan que a maioría de vítimas puideron saír polo seu propio pé, con feridas de carácter leve ou ilesas.
Un dos tres vagóns, o primeiro, envorcou por completo mentres que os outros dous quedaron semivolcados. Aínda se descoñecen as causas do descarrilamento.
O tren pertence a Comboios Portugal, a Renfe portuguesa, e o condutor -un dos falecidos- é portugués.
Con motivo do sinistro hase interrrumpido o tráfico ferroviario no Porriño, na liña que une Pontevedra, Tui e Portugal, e entre Louredo-Valos.
VÍCTIMAS. As testemuñas sinalaron que a maioría de vítimas puideron saír polo seu propio pé, con feridas de carácter leve ou ilesas, e foron atendidas na mesma zona cero no hospital de campaña que se levantou para este fin -que foi retirado ao mediodía- e na cafetería da estación.
Urxencias Sanitarias informou de que son 42 os feridos de carácter leve e 7 "menos graves", pero non se teme pola vida" de ningún deles.
Dos 42 feridos leves, 20 foron evacuados ao hospital Álvaro Cunqueiro, 14 ao hospital Povisa, nove ao de Fátima e catro ao centro de saúde do Porriño. Moitos deles xa foron dados de alta.
Teléfono habilitado para axudar ás vítimas: 900 10 10 20
O persoal do 112 Galicia activou un operativo no que traballan os servizos sanitarios de urxencia, os Bombeiros de Baixo Miño, Bombeiros de Vigo, servizos de Protección Civil da contorna e axentes de seguridade.
No operativo participaron dous helicópteros -con base en Santiago e Ourense-, tres uvis móbiles e sete ambulancias asistenciais.
POLÍTICOS. A alcaldesa do Porriño, Eva García da Torre, mostrouse consternada, agradeceu o traballo dos veciños que desde o primeiro momento acudiron ao lugar dos feitos para poder na medida das súas posibilidades auxiliar aos pasaxeiros e deslizou que non se sabe se algunha das vítimas nin sequera formaba parte da pasaxe, senón que estaba fóra, no exterior, e resultou afectada.
á zona desprazáronse o alcalde de Vigo, o socialista Abel Caballero -o primeiro en chegar-; o presidente da Xunta, Alberto Núñez Feijóo -que acudiu pouco antes das 12,20 horas-, a presidenta da Deputación de Pontevedra, Carmela Silva; a rexedora do veciño municipio de Mos, Nidia Arévalo, o xa citado Alfonso Rueda e o ministro de Xustiza en funcións, Rafael Catalá. Pouco despois chegaba Rafael Catalá, ministro en funcións de Fomento e, xa pola tarde, o presidente do Goberno en Funcións, Mariano Rajoy.
