Varios integrantes do club de piragüismo das Pontes avistaron esta mañá o corpo dun home de 55 anos que respondía as iniciais J.L.G.V. e veciño desta localidade coruñesa, flotando xunto á parede do encoro da Ribeira.
Fontes da Policía local informaron a Efe de que o achado se produciu logo das 10:00 horas desta mañá neste encoro nas Pontes, onde este club de piragüismo ten as súas instalacións, a un quilómetro aproximadamente do centro urbano.
Efectivos policiais, da Garda Civil e Protección Civil acudiron ao lugar dos feitos e seguidamente deuse aviso ao xulgado, polo que tras o levantamento do cadáver trasladouse o mesmo ao tanatorio de Ferrol para realizarlle a autopsia e determinar as causas da morte.