Dúas persoas resultaron feridas esta noite nunha saída de vía que se rexistrou ao caer o vehículo que ocupaban pola ponte da entrada da autovía do Barbanza, no municipio de Padrón.
Os feridos foron retirados do interior do vehículo que se atopaba envorcado por membros de protección civil e polo equipo de excarceración deste municipio.
Emerxencias do 112 coñeceu a información pasadas as nove da noite como consecuencia da chamada de dous particulares, co que informou o suceso á Garda Civil de Tráfico, Policía local e Urxencias médicas, que trasladaron aos dous feridos a un centro sanitario de Santiago de Compostela.
O vehículo destruíu parte da varanda que se atopa na ponte e danou, coa posibilidade de desprendementos, as proteccións de formigón.
