Unha parte importante dos afeccionados que acudiron ao encontro contra o Sevilla disputado no Camp Nou mostraron o seu rexeitamento polo encarceramento dos exconsellers do Govern e dos presidentes da Assemblea Nacional Catalá e Òmnium Cultural.
Impulsados polos grupos de animación e as entidades soberanistas, os afeccionados do Barcelona pediron a liberdade dos exmiembros do Govern que esta semana ingresaron en prisión. Antes do inicio do partido, o club despregou unha inmensa bandeira catalá situada no lateral do estadio, á que lle acompañaron dúas lonas coa palabra xustiza escrita en catalán e en inglés.
Despois de que soase o himno, unha parte importante dos afeccionados presentes na bancada entoaron berros de "Libertad!". Ás accións promovidas polo club, sumouse a protesta dos grupos de animación Creu Sant Jordi, Nostra Ensenya, Supporters Puyol e Almogàvers, que non ocuparon o seu espazo do gol norte ata ao minuto 10 do partido.
Unha vez no estadio, os membros destes grupos empezaron a entoar cánticos favorables á liberade dos encarcerados. Ademais, voluntarios das entidades soberanistas Òmnium Cultural e Assemblea Nacional Catalá (ANC) repartiron nos arredores do Camp Nou 70.000 cartolinas coa lema "Llibertat presos polítics, som república".
O Camp Nou clama liberdade para os "presos políticos"
Voluntarios das entidades soberanistas repartiron nos arredores do estadio 70.000 cartolinas coa lema 'Llibertat presos polítics, som república'