O gasto en prestacións por desemprego situouse en 2.382,8 millóns de euros en xaneiro, o que supón un descenso do 14,2 % respecto ao mesmo mes de 2013, segundo o Ministerio de Emprego e Seguridade Social.
A cobertura do sistema de protección por desemprego situouse no 61,39 %, máis de tres puntos porcentuais menos que en xaneiro do ano anterior.
O número de perceptores das prestacións chegou a 2.805.275 persoas, un descenso do 8,4 % respecto ao mesmo mes do ano anterior. Destes, 1.242.666 persoas percibían a prestación contributiva (14,9 % menos), 1.181.017 persoas recibían o subsidio por desemprego (4,5 % menos) e 253.320 persoas tiñan a Renda Activa de Inserción (9,6 % máis), en tanto que 128.272 persoas tiñan o subsidio de eventuais agrarios (4,8 % menos).
O gasto medio mensual por persoa (sen incluír o subsidio agrario de Andalucía e Estremadura) foi de 869,1 euros, 59,3 euros menos que en xaneiro de 2013 (6,4 % menos). A contía media bruta percibida por beneficiario foi de 829,3 euros, 35,3 euros menos, é dicir, unha baixada do 4,1 %.
O número de solicitudes foi de 950.947 (10,4 % menos) e tramitáronse 924.818 altas (8,3 % menos).
O tempo medio empregado para o seu recoñecemento foi de 2,06 días, un prazo similar ao de xaneiro de 2013.
Os beneficiarios estranxeiros, que supoñen o 10,18 % do total, ascenderon a 285.605, o que representa un 16,4 % menos que no mesmo mes de 2013. A baixada foi superior entre os procedentes de países non comunitarios (21,5 %) que nos da contorna comunitaria (7,5 %).
Os estranxeiros que reciben prestacións supoñen o 38,47 % do total de demandantes de emprego estranxeiros.
O gasto para os perceptores estranxeiros baixou un 20,5 % ata 198 millóns de euros, cifra que supón o 8,3 % do gasto total das prestacións por desemprego.
