Os dous mozos detidos por arroxar, presuntamente, unha pedra a un coche que circulaba pola autovía A-52 o pasado domingo quedaron en liberdade con cargos tras declarar no Xulgado de Ponteareas e na Fiscalía de Menores de Pontevedra.
Ambos os mozos foron arrestados acusados dun delito contra a seguridade viaria, outro de danos, outro de lesións e outro de omisión de socorro por arroxar unha pedra de gran tamaño desde unha ponte sobre a A-55. Un dos obxectos impactou contra o vehículo conducido polo xornalista Jacobo B. que circulaba cara a Vigo sobre as 9 horas do domingo.
Cando caeron sobre o seu coche varios obxectos contundentes desde un das pontes situadas sobre esta vía a vítima perdeu o control do vehículo e saíuse da vía no punto quilométrico 271, a 15 quilómetros da localidade ourensá de Ribadavia.
Dentro da gravidade das feridas provocadas polo accidente, Jacobo B. evoluciona favorablemente, segundo fontes hospitalarias.
O ferido permanece ingresado no Hospital Xeral de Vigo e presenta unha fractura de clavícula e outra nunha costela, ademais dun traumatismo torácico leve.
Pola súa banda, a súa muller, que viaxaba no asento do acompañante, resultou ilesa tras chocar o turismo contra a mediana da autovía.
