O presidente da Xunta de Galicia, Alberto Núñez Feijóo, anunciou este xoves en Lugo que confía en "entregar este mesmo ano ou corredor entre Sarria e Monforte de Lemos", que se sumaría á parte do trazado xa en servizo e que conecta ambas as localidades coa capital lucense.
Feijóo fixo este anuncio durante a súa intervención na inauguración da autovía LU-12, un enlace de 3,6 quilómetros que conecta a Nacional 540 coa autovía A-54, entre Lugo e Santiago, aínda en fase de construción.
"Imos entregar este mesmo ano ese corredor entre Sarria e Monforte de Lemos. Serán 60 quilómetros, logo dun investimento da Xunta de Galicia de 230 millóns de euros", recordou o presidente.
Feijóo afirmou que esta provincia segue sendo unha "prioridade" para o seu goberno, que investiu nas grandes infraestruturas de Lugo nesta lexislatura, de recesión económica, máis de 150 millóns de euros".
En canto ás infraestruturas que quedan pendentes para o que queda de lexislatura, anunciou que a Xunta seguirá traballando para conectar Celeiro con San Cibrao, "coa maior celeridade posible", ademais de finalizar "o acceso ao porto de Burela" e ao Porto Seco de Monforte de Lemos e de licitar "a ampliación do hospital da Mariña".
Feijóo "confía" en entregar este ano o corredor entre Sarria e Monforte
O presidente da Xunta recorda que a Administración traballa con "coa maior celeridade posible" na conexión de Celeiro con San Cibrao, o acceso ao porto de Burela e o Porto Seco de Monforte
