O coordinador en Lugo da Federación Rural Galega (Fruga), Elías Somoza, denunciou que só unhas "40" das 1.300 vacas sacrificadas ao longo de 2016 por tuberculose estaban infectadas.
A organización agraria volveu criticar que se estea procedendo a "sacrificios masivos" de reses a pesar de que, "despois de facer as probas no matadoiro", demóstrase que non estaban contaminadas.
"Están a sacrificarse máis reses que positivos. Son reses que son positivas na proba que se fai na gandería pero despois chegan á proba post mortem no matadoiro e non estaban infectadas", explicou.
Por iso, Elías Somoza considerou necesario que a Consellería do Medio Rural "cambie os protocolos de actuación" para frear estes "sacrificios masivos".
"Están a facerse sacrificios masivos que están a levar a que explotacións perdan animais que non tiñan que telos perdido, cando criar a unha res ata que se converte en vaca ten uns custos importantes. Máis do 95 por cento das vacas sacrificadas non estaban enfermas", incidiu.