Galicia reduciu o atraso no pago a empresas de 16,51 días no primeiro trimestre de 2013 a 14,52 días no mesmo período do actual exercicio, segundo o informe sobre comportamento de pagos de Informa D&B, consultora da sociedade participada polo Estado CESCE.
De acordo con este estudo, o prazo no período de pago sitúase en 91,16 días e o atraso medio sobre o pactado é de 16,44 días e, aínda que todas as comunidades autónomas reduciron no último ano o atraso medio de pago ás empresas, ningunha autonomía se salva desas demoras, que son máis notables nas do sur.
Por comunidades autónomas, as que pagan con máis atraso respecto das condicións pactadas son Canarias (23,90 días), seguida por Andalucía (21,77) e Castela-A Mancha (20,83).
No entanto, esas autonomías son as que máis reduciron o seu atraso medio no último ano, no que Canarias o recortou 5,80 días; Andalucía, 5,32, e Castela-A Mancha, 3,89.
As máis cumpridoras son a cidade autónoma de Melilla, con 8,63 días de demora sobre o pactado, e País Vasco e Navarra, ambas con 10,35, mentres que Madrid (18,24 días) está lixeiramente peor que a media nacional e Cataluña (14,46 días) mellor.
As que teñen maior proporción de pagos puntuais son Aragón, 52%, e A Rioxa e o País Vasco, ambas un 50 %.
Por contra, as autonomías con maior porcentaxe de pagos con demora superior aos 60 días son Canarias (12,09 %), Andalucía (11,14 %) e Castela-A Mancha (10,84 %).
O seguinte cadro recolle, por comunidades autónomas e medido en días, o atraso medio nos pagos respecto do pactado no primeiro trimestre do ano 2013 e ese mesmo dato no primeiro trimestre de 2014.
CCAA 1 TRIMESTRE 2013 1 TRIMESTRE 2014
==============================================================
Andalucía 27,09 21,77
Aragón 14,97 12,47
Asturias 17,51 15,76
Baleares 20,80 16,95
Canarias 29,70 23,90
Cantabria 16,53 14,77
C.-A Mancha 24,71 20,83
C. e León 17,37 15,86
Cataluña 17,08 14,46
C.Valenciana 20,47 16,97
Estremadura 24,26 20,57
Galicia 16,51 14,52
A Rioxa 13,47 12,20
Madrid 20,40 18,24
Murcia 23,79 20,48
Navarra 11,79 10,35
País Vasco 11,84 10,35
Ceuta 15,64 13,68
Melilla 12,37 8,63.