O corpo sen vida dun home foi localizado na mañá deste xoves no interior do seu domicilio, en Castro de Rei. En concreto, a propiedade sitúase en Matodoso, na parroquia de Triabá.
Foi un veciño da vítima o que descubriu o cadáver tendido no chan do baño. Así llo indicou ao 112 Galicia, a través dunha chamada recibida na central de urxencias ás 11:10 horas. Segundo relatou, decidiu acceder á vivenda do falecido ao decatarse de que a porta da entrada levaba varios días aberta.
Con estes datos, o persoal do Centro Integrado de Atención ás Emerxencias do 112 informou ao 061-Urxencias Sanitarias e á Garda Civil.
Achan un home morto no interior da súa casa en Castro de Rei
Foi un veciño da vítima o que descubriu o cadáver tras decatarse de que a porta da entrada levaba varios días aberta
