Un ciclista resultou ferido en Meira ao ser atropelado cando circulaba pola LU-751, a estrada que conecta este municipio con Ribeira de Piquín.
Segundo informou o CIAE 112, un particular informou de que o accidente tivo lugar ás 12.50 horas e de que o deportista permanecía tendido na calzada.
Con estes datos, o persoal do 112 alertou ao 061-Urxencias Sanitarias, aos Bombeiros de Vilalba e ao GES da Pontenova. Tamén se informou a Protección Civil e á Garda Civil de Tráfico.
O ciclista foi evacuado nunha ambulancia ao Hospital Lucus Augusti.
