PONTEVEDRA. A Garda Civil investiga a agresión con arma branca no pescozo sufrida por unha veciña de Tomiño este fin de semana, pola que tivo que ser intervida cirurxicamente, informaron fontes da investigación.
A agresión produciuse no domicilio da muller, de 61 anos de idade, na parroquia de Tebra, e no exterior da vivenda axentes do instituto armado acharon un coitelo de grandes dimensións co que presumiblemente lle produciron "un corte serio" que lle afectou traquea, detallaron as fontes.
A vítima, cuxa vida non corre perigo, foi intervida no hospital Xeral de Vigo, onde foi derivada desde o Meixoeiro, que é onde a levaron os efectivos sanitarios que a atenderon antes de que a Garda Civil acudísese no seu domicilio onte pola mañá.
As fontes precisan que foi a propia vítima quen chamou ao seu fillo para pedir auxilio.
A investigación baralla varias hipóteses, unha delas, o roubo con violencia en vista de que a casa estaba revolta.
