A Garda Urbana de Barcelona organizou un dispositivo de custodia das urnas pertencentes ao Estado para convocatorias electorais, e que garda o concello nun almacén municipal, para evitar que poidan ser utilizadas no referendo convocado polo Govern o 1-O, suspendido polo TC.
O operativo da Garda Urbana obedece á orde dada pola Fiscalía Superior de Cataluña ás policías locais de Cataluña para que tomen as "medidas oportunas" co fin de impedir que o material electoral pertencente ao Estado, como urnas, poida ser empregado durante o 1-O.
No caso do Concello de Barcelona, estas urnas gárdanse nunha nave da rúa Perú, onde se dirixiron os axentes municipais para os labores de custodia.
Este dispostivo manterase ata que se poida garantir que o material electoral non será utilizado durante o 1-O, segundo indicaron a Efe fontes policiais.
A Garda Urbana de Barcelona custodia urnas para evitar o 1-O
Pertencen ao Estado, úsanse para convocatorias electorais e gárdanse no Concello nun almacén municipal
