A Unidade de Delincuencia Económica e Fiscal (UDEF) da Policía Nacional detectou a existencia doutra contabilidade B creada polo extesoureiro do PP Luís Bárcenas para a compra e posterior reforma da sede do partido en Biscaia, segundo constata nun informe remitido ao xuíz Pablo Ruz.
Así o reflexa Ruz no auto imputando o exsecretario xeral do partido Ángel Acebes, no que dá conta das últimas investigacións da UDEF, entre elas o achado desta caixa paralela para o PP vasco.
Segundo relata o maxistrado, a UDEF detectou, a partir das operacións relativas ao pago das cotas da hipoteca de case 1 millón de euros concedida ao PP para a compra da sede rexional, que Bárcenas xerou para controlar a operación "outra contabilidade mediante unha conta aparte chamada Sede Vizca, moi similar á establecida nos coñecidos como papeis de Bárcenas".
Nesta segunda contabilidade paralela, do mesmo xeito que na principal que ata agora investigaba o xuíz con donativos de empresarios e entregas a altos cargos, recóllense unha serie de entregas e transferencias desde novembro de 1999 a novembro de 2005.
A UDEF detecta unha nova contabilidade oculta xerada por Bárcenas para a compra da sede 'popular' en Biscaia
