O propietario do grupo Leite Río, Jesús Lence, calcula que o bloqueo ás industrias lácteas galegas pode supor que queden sen recoller entre "cinco e seis millóns" de litros de leite ao día en toda Galicia.
Lence precisou que por parte do grupo Leite Río, o bloqueo supón que queden sen recoller nas granxas dos seus provedores entre 600.000 e 700.000 litros ao día.
"Non imos recoller porque non nos deixan", dixo Lence, dado que ningún dos camións da empresa pode entrar ou saír das dúas plantas do Ceao nin da de Láncara.
Lence precisou que todas as "industrias de Galicia están bloqueadas" e, polo tanto, "o problema é o mesmo para todas".
