Aproveitando o receso escolar do verán, o Concello de Marín está a realizar melloras nos centros públicos de Educación Infantil e Primaria. Deste xeito, están a acometerse obras de conservación e mantemento, así como aspectos imprescindibles para o correcto funcionamento das instalacións dos centros públicos.
En todo caso, os traballos que se están levando a cabo responden a peticións formuladas polos centros e están a ser executadas, na maioría dos casos, con fondos propios do Concello, mentres que noutros é a Xunta de Galicia a que financia as obras, como no caso da mellora da eficiencia enerxética que se realizou nos centros de Carballal e A Laxe, nos que tamén participou o Consistorio.
Ademais, nestes momentos, están a executarse as obras do muro de peche do CEIP A Laxe, que caeu debido ás precipitacións, e estanse acometendo melloras no ximnasio e o patio do CEIP Carballal.
Así mesmo, outra das actuacións que se están realizando en centros públicos marinenses é a de mellora dos distintos servizos municipais de obras, augas e carpintería, apoiados con contratacións de empresas externas para ultimar as melloras que deben completarse antes do inicio do curso escolar.
Segundo informou o Concello, a mayoríad e as obras están concluídas, só resta finalizar as de Carballal e A Laxe, así como as do CEIP de Seixo.
O Concello ultima melloras en centros públicos antes do comezo do curso
A reposición do muro de peche do CEIP A Laxe e os traballos de mantemento no patio e ximnasio do Carballal son algunhas das obras que se están realizando antes do inicio das clases
