Os ríos Umia e Gallo non figuran no plan de limpeza licitado pola Xunta

A Xunta de Galicia licitou, o día 19, no Diario Oficial de Galicia o contrato de limpeza de sendas e marxes en tramos fluviais das catro provincias. O orzamento destinado a esta actuación ascende a 368.977 euros. O 75 % do investimento finánciase a través do Fondo Europeo de Desenvolvemento Rural, no marco do Programa de Desenvolvemento Rural 2014-2020.

Aínda que están previstos traballos en tramos cuxa lonxitude total é de 431,31 quilómetros, na relación non figuran os ríos Gallo e Umia, que se desbordaron recentemente ao seu paso polas os municipios de Cuntis e Caldas de Reis, provocando danos no seu patrimonio público que os seus alcaldes, Manuel Campos e Juan Manuel Rei, respectivamente, cifraron en máis de 160.000 euros. Os labores na provincia da Coruña serán executadas en 123,16 quilómetros, mentres que en Lugo suman 114,2. Na provincia de Pontevedra son 113,75, e 80,2 quilómetros na de Ourense. A Xunta subliña que prioriza os tramos que se atopan en territorios incluídos na Rede Natura e zonas que considera dun "alto valor natural".

ROZA. Os traballos que serán financiados a través desta iniciativa son rózaa selectiva da vexetación herbácea existente nos carreiros das marxes dos ríos e nos postos de pesca.

Tamén está incluída no proxecto a eliminación de especies exóticas invasoras, retirada de restos vexetais, traballos de limpeza, nos que inclúe a retirada de residuos "asimilables aos sólidos urbanos" e de poda de ramas de árbores enfermas, torcidas e rotas, que poidan entorpecer ou dificultar o paso dos pescadores, do mesmo xeito que o corte de árbores que se atopen caídos nas sendas.

Os traballos de limpeza das canles fluviais serán realizadas en tres tramos do río Deza, situados nos municipios de Silleda e Vila de Cruces. No Ulla, entre A Estrada e Padrón. No Lérez, ao seu paso por Cerdedo, Forcarei e Pontevedra, Marín, o lago Castiñeiras, Gondomar, O Porriño, Mos, Mondariz, Ponteareas, Salvaterra, As Neves e A Cañiza.