Efectivos de Protección Civil localizaron este domingo o cadáver dun home en avanzado estado de descomposición que apareceu flotando nunha zona rochosa da praia de Samil, a medio quilómetro da costa.
Tras realizar o macabro achado, Protección Civil avisou a Salvamento, que remitiu ata a zona unha lancha con base en Cangas para colaborar cos voluntarios. Pasadas as 21.30, o dispositivo logrou levar a terra o corpo, cuxa identidade non transcendeu.
Por outra banda, á primeira hora da tarde deste domingo os bañistas do areal vigués levaron un bo susto ao sufrir unha parada cardíaca un home de 73 anos, de nacionalidade portuguesa.
Segundo informou o Concello de Vigo, foron uns particulares os que deron a alerta sobre as 13.00 horas ao ver ao home flotando inconsciente boca abaixo preto da beira. Despois de que os socorristas lograsen reanimalo, os servizos de urxencias trasladárono a un hospital.
Recuperan o cadáver dun home nunha zona rochosa da praia de Samil
No mesmo areal, un home de 73 anos tivo que ser atendido tras sufrir unha parada cardíaca