O Concello de Cuntis foi escenario na mañá deste sábado de catro incendios e unha falsa alarma en apenas unha hora. Grazas á rápida intervención dos efectivos, a superficie calcinada non alcanzou en ningún caso unha hectárea.
Nos traballos de extinción participaron Protección Civil de Cuntis, axentes forestais da Xunta e dúas motobombas de Cuntis e Valga.
Así, a consellería de Medio Rural recibiu a primeira chamada ás 7.50 horas, que alertaba dun incendio na parroquia de Estacas. Ata o lugar desprazáronse un axente, unha brigada e dúas motobombas. As chamas apagáronse por completo ás 11.40, cunha superficie queimada de 0,07 de arboledo.
A mesma parroquia foi escenario de dous focos máis. Dez minutos despois, ás 8.00 horas, ardían 0,05 hectáreas de arboledo en Estacas. Alí trasladáronse un axente, unha brigada e dúas motobombas. Quedou extinguido ás 10.36 horas.
A continuación, ás 8.24 horas, tres axentes, unha brigada e dúas motobombas trasladáronse a sufocar outro incendio moi preto do anterior, que quedou extinguido ás 13.10 horas. Queimáronse, en total, 0,08 hectáreas de arboledo.
Para rematar, as chamas arrasaron con 0,01 hectáreas, tamén de arboledo, en Troáns, onde desprazáronse dous axentes, unha brigada e unha motobomba. Este último quedou totalmente apagado ás 11.21 horas.
Catro incendios forestais e unha falsa alarma nunha axitada mañá en Cuntis
Grazas á rápida intervención dos efectivos, a superficie calcinada non alcanzou en ningún caso unha hectárea
