Sánchez a Montón: "A túa decisión, valente, hónrate"

"Traballaches sen descanso para devolver e ampliar dereitos", escribiu en Twitter

Pedro Sánchez. EFE
photo_camera Pedro Sánchez. EFE

O presidente do Goberno, Pedro Sánchez, eloxiou este martes a xestión da ata agora ministra de Sanidade, Carmen Montón, e destacou que a súa dimisión é unha decisión "valente" e que a "honra".

Na súa conta de Twitter, Sánchez destacou os cen días da ministra á fronte do departamento e enxalzou o seu "compromiso coa igualdade e a xustiza social".

"En 100 días á fronte de @sanidadgob recuperaches a sanidade universal no noso país, traballaches sen descanso para devolver e ampliar dereitos", escribiu o xefe do Executivo.

Así mesmo, agradeceu a Montón o seu labor dirixindo o Ministerio de Sanidade, Consumo e Benestar Social.

Comentarios