A secretaria de Estado de Servizos Sociais e Igualdade, Susana Camarero, asegurou hoxe que o Goberno estuda se o asasinato do bebé de 19 meses presuntamente a mans do seu pai en Madrid é un caso de violencia de xénero e afirmou que os nenos "teñen que estar mellor protexidos".
Tras un acto de celebración do 50 aniversario da Escola Universitaria da ONCE, Camarero, quen lamentou o suceso, afirmou que o Goberno "seguirá impulsando a máxima protección" para os menores.
A Policía detivo en Madrid a un home por degolar presuntamente ao seu bebé de 19 meses e ferir ao seu outro fillo de 5 anos, a quen cravou un coitelo nas costas logo de pasar varias horas con eles no seu domicilio do distrito madrileño de Carabanchel.
Camarero recordou que o Goberno aprobou o pasado venres dous anteproxectos de lei para a protección á infancia que buscan "mellorar a vida dos menores e protexelos, dándolles máis dereitos".
Entre estas medidas, destacou a decisión do Executivo de incluír os menores como "vítimas directas da violencia de xénero".
A secretaria de Estado explicou que o agresor "non tiña denuncia previa" por malos tratos e reiterou que "hai que ser prudentes" e esperar á investigación.
