PONTEVEDRA. Os servizos sanitarios de urxencia trasladaron na tarde deste luns a unha persoa con queimaduras nunha man sufridas ao incendiarse a campá extractora dunha cociña en Moaña.
O suceso, segundo información do CAE 112 Galicia, ocorreu cando faltaban uns vinte minutos para as 16,00 horas na Rúa Almirante Méndez Núñez.
Tras a alerta dun particular, o 112 pasou o aviso aos bombeiros do Morrazo que, logo de sufocar as chamas, aseguráronse de liberar o fume acumulado na vivenda.
Ademais dos efectivos do parque comarcal, participaron neste operativo Urxencias Médica e a Policía Local.