Os labores de rastrexo para tratar de localizar os tripulantes do barco Paquito II desaparecidos non deron resultado algún e continúan hoxe nos arredores de Corrubedo, na costa coruñesa, segundo indican fontes de Salvamento Marítimo.
A patrulleira Salvamar do servizo de Salvamento Marítimo tratou tamén de avistar na zona indicios da tripulación, mentres que axentes doutros organismos inspección de praias e de zonas costeiras próximas desde terra, pero non acharon ata o momento indicio algún.
O Paquito II, de dezaoito metros de eslora e con porto base en Cabo de Cruz, no municipio coruñés de Boiro, desapareceu a semana pasada cando estaban a bordo o patrón Germán Fernández, de 52 anos; Santiago Blanco, de 47 anos, e Juan Antonio Hermo, de 38.
O corpo sen vida do patrón foi localizado a catro millas ao norte da illa de Sálvora, pero aínda non apareceron indicios sobre os demais tripulantes. O barco permanece afundido a uns 36 metros de profundidade nas inmediacións do faro de Corrubedo.
