Un ciclista resultou ferido en Pontevedra logo de impactar contra a porta dun coche, segundo informou este mércores 112 Emerxencias Galicia. O condutor implicado explicou ao 112 que abriu a porta do vehículo sen darse conta de que o deportista estaba a piques de pasar ao seu lado, polo que se produciu a colisión.
O sinistro tivo lugar na intersección da rúa José Malvar coa rúa da Seca ao redor das 14:00 da tarde deste mércores. O propio ocupante do turismo chamou a Emerxencias para dar conta do ocorrido.
Desde o Centro Integrado de Atención ás Emerxencias do 112 Galicia alertaron ao 061, aos Bombeiros de Pontevedra, a Protección Civil e á Policía Local.
Un ciclista ferido tras chocar contra a porta dun turismo en Pontevedra
Os feitos producíronse entre a rúa José Malvar e a rúa da Seca
