CALDAS DE REIS. A variante de Caldas de Reis permaneceu onte pechada ao tráfico durante toda a xornada por mor dun desprendemento de terra que se rexistrou no punto quilométrico 99,7, nas proximidades do cemiterio. Segundo informou a Dirección Xeral de Tráfico, o peche produciuse ás 5.45 horas da madrugada e a circulación restrinxiuse en ambos os sentidos.
Tal e como precisou a Policía Local de Caldas, ás 20.15 horas a estrada aínda permanecía cortada, a pesar de que os restos de terra xa foran retirados da calzada.
