Un home faleceu esta tarde nun accidente laboral rexistrado no municipio pontevedrés de Vilaboa tras caerlle encima unha pedra. Como consecuencia do forte impacto, o traballador dunha canteira morreu no acto, segundo informaron desde o 112.
O suceso ocorreu no lugar de Acuña, nas proximidades da casa consistorial, sobre as 17.45 horas. Uns dez minutos máis tarde, o 061 confirmou o falecemento do home.
Con todo, en ningún momento estivo atrapado, polo que non foi necesaria a intervención de medios de excarceración. Desde o servizo de urxencias mobilizaron ao momento a efectivos de Protección Civil e a axentes da Garda Civil, para esclarecer as causas do accidente.