Unha máquina anfibia fabricada en Holanda limpará a canle do Umia

A limpeza da canle do río Umia situado no centro urbano de Caldas de Reis será unha realidade a próxima semana. Despois de que as peticións realizadas ante a Xunta polo alcalde, Juan Manuel Rei, e a presidenta da Deputación provincial, Carmela Silva, non fosen atendidas, esta tarefa será realizada por iniciativa da Administración municipal. A celebración do VII Congreso do Medio Ambiente, celebrado a semana pasada no Auditorio da localidade, foi aproveitada polos responsables da empresa Mobitrac España para realizar unha demostración da limpeza que pode realizarse cunha máquina anfibia, que foi seguida polos organizadores deste evento e representantes da Xunta de Galicia e o Goberno local.

Días despois, un dos responsables da empresa, o vilagarcián Alberto Moreira, mantivo un encontro co rexedor, no que quedaron concretados os detalles do traballo cuxa execución está prevista. Segundo o proxecto presentado, o tramo que será limpado, augas abaixo da ponte, ten 500 metros de lonxitude, e estás labores tamén serán realizadas entre o viaduto e a zona onde se atopan os choróns. Moreira, que puxo en marcha a empresa co seu irmán, Yago, indicou que a máquina anfibia que utilizan fabrícase en Holanda, un país situado varios metros por baixo o nivel do mar, e as súas características son similares ás que serven para realizar a limpeza das canles de cidades como Amsterdam ou Roterdam.

Moreira explicou que a máquina que utilizan é moi manexable, pode acceder a calquera recuncho e dispón de varios dispositivos para segar a herba e rastrillar a auga ata unha profundidade de 50 centímetros. As súas prestacións compleméntanse cunha retroescavadora que serve para retirar troncos e pedras. Outra aplicación da que dispón, deseñada por Mobitrac España, permite recoller as algas das praias, evitando a tarefa de recollelas a man.

Moreira, que puxo en marcha a empresa co seu irmán, Yago, indicou que a máquina anfibia que utilizan fabrícase en Holanda, un país situado varios metros por baixo o nivel do mar, e as súas características son similares ás que serven para realizar a limpeza das canles de cidades como Amsterdam ou Roterdam, do mesmo xeito que as numerosas lagoas e estanques que se atopan nos seus bosques e parques.

Recentemente, realizou a limpeza do río Tajo ao seu paso polo municipio de Villaseca da Saga, na provincia de Toledo. Os traballos prolongáronse por espazo de tres semanas, e foron executados nun tramo onde era habitual a presenza de pescadores, que capturaban especies como carpas e troitas que despois devolvían á canle fluvial porque argumentaron que está contaminado, indicou Moreira.

O alcalde de Caldas de Reis, Juan Manuel Rei, sinalou que o Concello conta co permiso de Augas de Galicia para realizar a limpeza.