O xoves non se esperan cambios significativos en Galicia, xa que continuará o aire frío en altura mantendo os ceos parcialmente nubrados con chuvascos tormentosos no interior co avance do día e presenza de néboas no litoral.
As temperaturas sufrirán un lixeiro descenso.
O vento soprará frouxo de dirección variable, sendo do nordeste no litoral norte e entrando o compoñente oeste pola tarde nas Rías Baixas.
As temperaturas extremas previstas nas cidades son:
A Coruña 18° 27°, Ferrol 18° 27°, Lugo 15° 27°, Ourense 16° 30°, Pontevedra 17° 24°, Santiago de Compostela 15° 28° e Vigo 16° 22°.
