Tras o paso dunha fronte durante a xornada do mércores, a chegada de aire frío e a inestabilidade marcarán o tempo do xoves. O ceo estará parcialmente nubrado, con chuvascos, máis frecuentes durante a mañá, tendendo a desaparecer pola tarde. A cota de neve estará sobre os 1.200 metros.
Segundo información publicada por Meteogalicia, dependente da Consellería de Medio Ambiente, o vento soprará de compoñente norte, moderado, con intervalos fortes ao principio no litoral e zonas altas do interior.
A Mariña de Lugo e a Costa da Morte estarán
Pola súa banda, as temperaturas descenderán entre lixeira e moderadamente. Deste xeito, nas cidades galegas as máximas subirán ata os 13 graos en Vigo, Ferrol ou A Coruña, ata os 12 graos en Pontevedra, 10 en Santiago e 9 graos en Lugo. En canto aos valores mínimos, descenderán ata os cinco graos na capital lucense, mentres que na Boa Vila os termómetros non baixarán dos sete graos.
