Zidane farase cargo do Real Madrid Castilla durante a próxima tempada

O exxogador francés Zinedine Zidane farase cargo do Castilla durante a tempada 2014-2015 tal como anunciou hoxe o Real Madrid a través dun comunicado publicado na súa páxina web.

Zidane, que ata agora exercía como segundo adestrador do primeiro equipo xunto ao técnico italiano Carlo Ancelotti, estará acompañado na súa nova etapa dun home da casa como é Santiago Sánchez.

Esta será a primeira experiencia como máximo responsable nun banco de 'Zizou', que se retirou tras disputar a final do Mundial 2006 en Alemaña.

En principio o seu equipo arrincará a tempada en Segunda División B aínda que se está pendente dos posibles descensos administrativos na liga Adelante, o que podería precipitar o regreso do filial á categoría de prata.

Claudio Bravo, para o Barcelona

O FC Barcelona chegou a un acordo para o traspaso do porteiro chileno da Real Sociedad Claudio Bravo, que vestirá de azulgrana as próximas catro tempadas, segundo informou hoxe o club catalán.

O chileno, concentrado coa selección do seu país no Mundial de Brasil, vestiu a camiseta da Real Sociedad durante oito anos.

Aínda que as cifras da fichaxe non se fixeron oficiais, ao parecer o Barcelona pagará ao club donostiarra 12 millóns de euros. Nun principio, o club catalán comezou ofrecendo 8 millóns de euros e máis tarde 10 millóns e ao azulgrana Jonathan Dos Santos.

Comentarios