A actriz María Salgueiro presentará a sétima edición de Amodiña

A actriz e guionista galega María Salgueiro, coñecida polos seus traballos na Televisión de Galicia e por participar na serie Vis a vis emitida en Antena 3, será a encargada de presentar a sétima edición da Pasarela de Moda do Comercio do Morrazo Amodiña, un evento organizado pola Federación de Comerciantes e Industriais do Morrazo (Fecimo) que por primeira vez celébrase no mes de abril. A actriz estará acompañada da vicepresidenta da federación, Nelida Carracelas, e de Jacobo Gayo, fotógrafo e xerente da axencia de comunicación GFStudio, encargada da campaña desta cita de moda, ademais de por membros da directiva de Fecimo.

"Nesta nova edición, que adianta a súa data de celebración (de setembro a abril), veremos as propostas de tempada de primavera/verán que estarán á venda non comercio local", indica a federación, que engade que "e coma sempre, todo isto dentro dun gran espectáculo audiovisual con actuacións en directo".

Así, Amodiña volverá contar este ano con Boombox Escola Urbana, que fará unha demostración dalgúns estilos de danza urbana. Esta agrupación está dirixida polos irmáns Yara e Kevin Juncal Graña, formados con profesores internacionais, coreógrafos de grandes artistas como Beyoncé, Mickel Jackson, Usher ou Janet Jackson.

A pasarela, de 15 metros de lonxitude, situarase no Paseo Marítimo de Moaña, con saída desde o Palco da Música

Para as actuacións musicais o evento de moda contará coa presenza de The Marveltons, unha banda formada por sete integrantes que coas súas notas e versións de estilos Doo wop, Soul, Funk & Rock´n Roll farán que a súa actuación "sexa un momento de lecer, de recordos e de diversión para todo o público que asista a esta nova edición da pasarela", indica Fecimo.

O desfile celebrarase o vindeiro sábado 21 de abril, ás 21.00 horas. A pasarela, de 15 metros de lonxitude, situarase no Paseo Marítimo de Moaña, con saída desde o Palco da Música e, no caso de que o tempo non o permita, a organización trasladará o evento ao Pavillón de Reibón.

Este ano, Amodiña acolle 30 negocios de moda, beleza e complementos de Bueu, Cangas e Moaña. O acceso ao espectáculo será libre. "Xa van seis edicións cun gran éxito de público que pon en valor ousector comercio local", afirma Fecimo.

Por outra banda, a próxima semana terá lugar o cásting infantil, "e non que xa case non quedan prazas á pesar de que tivo a súa apertura ou pasado venres con 130 prazas", apunta a federación.