Os servizos de urxencias localizaron na mañá deste sábado a un home que desaparecera no mediodía do venres logo de saír do seu domicilio en Cangas montado nun cabalo. Atendendo á información do 112, foi atopado ferido nunha zona de difícil acceso no lugar de Gandón, na parroquia de Aldán, sobre as 11.30 horas.
Para o rescate, o Servizo de Gardacostas de Galicia mobilizou o helicóptero Pesca I, no que foi trasladado ao Hospital Álvaro Cunqueiro. Urxencias Sanitarias de Galicia-061 tamén desprazou un helicóptero medicalizado ata unha zona próxima ao lugar no que foi localizado.
O 112 tivo constancia da desaparición do home ás 9.30 horas, a través dos axentes da Garda Civil, que coordinaron un operativo de procura no que tamén interviñeron Protección Civil de Cangas e Policía Local.
#AXEGAInforma que foi localizado ferido e nunha zona de difícil acceso un home que desaparecera onte na #CangasPara ou seu rescate solicitouse a intervención do helicóptero Pesca 1 da \
GardacostasGalnon que foi trasladado a un hospital.
Máis info: https://t.co/XblUq3dMB2 < href="https://t.co/tCi1GWHZ9d">pic.twitter.com/tCi1GWHZ9d<> — 112Galicia (\112Galicia) February 29, 2020<>