Un autobús escolar viuse implicado este xoves nun accidente de tráfico tras sufrir unha colisión contra outro vehículo na EP-1301. Todos os implicados resultaron ilesos.
O incidente tivo lugar ao redor das 8.00 horas desta mañá no quilómetro 3400, á altura de Beluso. O autobús escolar e o turismo sufriron unha colisión fronto-lateral, que se saldou afortunadamente sen ningún ferido.
Segundo fontes da Garda Civil, todo o alumnado a bordo, así como o coidador e o condutor do bus e o ocupante do outro vehículo resultaron ilesos.
O tráfico estivo cortado durante polo menos media hora antes de restablecerse sen retencións. As causas do incidente atópanse baixo investigación.
