Case unha vintena de establecementos hostaleiros participarán a partir do venres na terceira edición da ruta Marín Pincho a pincho, un evento organizado pola Asociación Cultural e Gastronómica Botón de Ancla. Tras o éxito cultivado na última convocatoria, este ano participarán locais tanto do centro da Marín de Seixo, que deberán desenvolver os mellores petiscos e tapas para ofrecer aos seus clientes e conseguir a vitoria.
Os pequenos pratos, que terán un prezo único de dous euros, poderanse degustar desde o venres ata o domingo desde as doce do mediodía ata as 15.00 horas e de 19.30 a 22.30 horas. Os petiscos serán avaliados por profesores da Escola de Hostalería Carlos Oroza de Pontevedra.
Os premiados poderán levar desde unha viaxe ata trofeos e terase en conta a proporcionalidade, orixinalidade, calidade, presentación e sabor. Pola súa banda aos clientes selaráselles, con cada consumición, un cartón que, unha vez completa, servirá para entrar no sorteo de varios agasallos.
O último día do evento, o domingo día 4, pola tarde, celebrarase un gran fin de festa no Palco da Música da Alameda Rosalía de Castro coa participación de As Cantareiras de Marín, Toni, O Gaiteiro Moderno e Luís Moreta. Durante esta xornada levará a cabo a tradicional entrega de premios e trofeos entre os establecementos e do sorteo para os clientes.
